الجمعة، 5 مارس 2010

عودة ودعوة


عدت بعد غياب وانقطاع عن مدونتى لمدة شهرين تقريباً ، كنت أحاول أن
أقيم تجربتى مع عالم التدوين ، وكنت دائماً أسأل نفسى ، هل أكتفى بهذه المدة
التى قضيتها فى عالم التدوين ؟ أم أستمر !!! فكانت إجاباتى تقول أن عالم التدوين
عالم جميل فكل منا يكتب ما يحلو له وما يقتنع به عقله ويعرض فكرته على المدونين
وهناك أصحاب مدونات يكتبون فى موضوعات قيمة وتشعر وأنت تقرأ موضوعاتهم
بأنك فى أشد الإشتياق لجديدهم وتتابعهم بشغف وهم كثر ولن أذكر أحد منهم حتى لا
أنسى أحد منهم ، ولكن ما يعيب عالم التدوين هو أن االبعض يجامل فى التعليق
قد أكون مخطىء وقد أكون على صواب ولكن هذه قناعتى

دعوة

أدعوكم للإشتراك فى حملة مدونة طهر فؤادك والحملة ستنطلق يوم غدا
السبت الموافق 2010/3/6 م بمشيئة الله تعالى ، وعنوان الحملة
لا لتهويد المقدسات الإسلامية فأتمنى من الإخوة المدونين الإشتراك فيها

وأخيراً
أشكر كل من سأل عنى ومنهم
الأخ الفاضل صاحب مدونة / أعشق فى الليل ضوء القمر
الأخت الفاضلة صاحبة مدونة / حياة بلا عنوان
الأخ الفاضل صاحب مدونة / أحمد الصعيدى
الأخ الفاضل صاحب مدونة / طهر فؤادك

خالص تقديرى



15 التعليقات:

شمس النهار يقول...

ازيك
انا كمان كنت غايبه بس مش للتقيم
لا
كان عندي مشاكل
ربنا يفرجهابكرمه

عندك حق في مجاملات كتير جدا
مابقاش في حد بيناقش خالص

ربنا يكرمك

سلامي

غير معرف يقول...

حمدلله على سلامتك
يارب دايما تكون بخير
نورتنا من تانى
انا كنت هنا امبارح فى المدونه
كنت عاوزه اعرف انت غايب ليه بس للاسف معرفتش
بس المهم انك بخير
منورنا دايما
وعصفورة اخبارها ايه
يارب تكون بخير
دمت فى حفظ الله

Unknown يقول...

حمدلله على السلامة
نورتك المدونة
من تـــــانى.

Unknown يقول...

ياترى أيه
المطلوب
فـى
الحملة دى؟

بلال عادل رجب. يقول...

حمد الله على السلامه
حضرتك على صواب يااستاذ عمرو
------
وان شاء الله هشوف المدونه اللى حضرتك بتقول عليها

♥نبع الغرام♥♪≈ يقول...

حمدالله على سلامتك نورت مدونتك من تانى
وكل عام وانت الى الله اقرب
ويارب منور الدنيا كلها

واحنا مش تقدر نستغنا عنك

وان شاء الله هعمل البوست وانشره بمدونتى
دمت بكل الخير
مودتى

ريمان يقول...

السلام عليكم
حمد الله ع السلامه
نورت البلوج من جديد
وانشاء الله احنا متابعين الحمله وهنشترك مع طهر فؤادك انشاء الله فى نشرها

كلمات من نور يقول...

الحمدلله على سلامتك يا عمرو ...المدونات أصلها عامله زي البيت الواحد والكل الحمدلله بيلتقى على حب الله وطاعته ولا يطلب سوى أن تكون أعماله خالصة لوجهه الكريم ...بس مش كل الناس بتجامل يعني بصراحة أنا محبش أجامل إلا في الحق و أحيانا كتيرة لما بالاقي خطأ ما خاصة ما يخص العقيدة بابعت للمدون أو المدونة أشير عليه بالخطأ ..كثير منهم ردة فعله بتكون طيبة طالما في طاعة الله والبعض ربي يهديهم بتكون ردة فعله العند و السخرية وووو...ربي يجعل أعمالنا كلها خالصة لوجهه...

سؤال بقى يا عمرو أنا حسيته في المدونات ...هل المدونة بتفيد حد غيرنا؟ علشان إحنا تقريبا في مستوى واحد وحاسه إن المدونات مش واسعة الانتشار زي المجموعات والمنتديات ...في انتظار ردك ....تحياتي

الازهرى يقول...

طبعا أنا وشى فى الأرض منالكسوف إن أننا اسمى مش مكتوب
لكن تعذرنى وتيجى المدونة عندى هتعرف إن انا برضه كنت شبه غايب
يعنى طول الشهرين دوا اتواجدت على المدونة أيام بسيطة جدا تتعد لى أصابع اليد الواحدة

وبإذن الله اشترك فى الحملة وربنا يعيننا

Haytham Alsayes يقول...

السلام عليكم
انا اول مرة ادخل المدونة وعجبني جدا ركن التاريخ الاسلامي
شكرا علي مرورك وتعليقك ودايما ان شاء الله اكون متابع مواضيعك
وان دخلت ركن التاريخ الاسلامى وعجبني موضوعاته
تقبل مروري

جنّي يقول...

السلام عليكم

كيف حالك اخونا الكريم ..

لا أدري هل اصبح التغيب عن التدوين لسان حال الكثير من المدونين .. فقد غبت عن التدوين عدة اشهر ورجعت لاجد الكثير ايضا متغيبيين ..

وحمدا لله على السلامة ..

تحيتي وسلامي

shimaa elkholy يقول...

هو مش عيب اننا نجامل على فكره

لكن المشكله اننا ما نقولش الحق

انا ممكن اختلف معاك فى الراي وفى نفس الوقت اجاملك واقولها بطريقه ما تزعلكش لكن يوصلك رايي


وياريت يا جماعه نكون مؤمنين بفكرنا بجد وباهمية لسانا الى بنتكلم فيه هنا

وما نسيبش مكانا ابدا لحد تاني

تحياتي لك يا فندم ونورت مدونتك والبلوجز كله

طهر فؤادك يقول...

السلام عليكم ورحمة الله وبركاتة

صديقى العزيز استاذ عمرو الجويلى

ربنا يكرمك يارب والمسلمين وعلى اهتمامكك وعودتك بالسلامة لينا وللتدوين واذن الناس كانت مستنياك واذن دة واضح من ردود الافعار واسعدتنا جداا بعودتك ..

- اما نقطة الحملة فربنا يكرمك يارب والمسلمين على اهتمامك وانا قايل فى الخطوات العملية وانا هسردهاللك اهو حالا:--

بوست موحد ان شاء الله بداية من يوم السبت(6/3 / 2010 ) بأذن الله تعالى عن الموضوع دة " حملة لا للتهويد " ولو حد عاوز ينقل البوست دة يبقى شرف لية وهو ممكن يغير الصور ويحط اى حاجة هو عاوزها او اى تعديل يشوفة فى صالح الموضوع والحملة يبقى ربنا يجزية خير اللهم امين والمسلمين .


2 - لو حد يتبرع بساعة من وقتة ويعمل جروب على الفيس بوك ويشرف علية واحنا كلنا ان شاء الله هنساعدة ونشترك ونبعت كل الصور الى معانا ويكون ملف متكامل عن الحملة وعن غزة كمان بأذن الله تعالى .


3 - نداء لكل مدونة ناطقة بلغات اجنبية تساعدنا فى نشر الموضوع والحملة وترجمتة يبقى دة ان شاء الله سبيل لمخاطبة العلم كلة بأذن الله تعالى .



4 - اى افكار تانية ان شاء الله هنعمل بيها تحديث وان شاء الله تكون فى صالح الحملة بأذن الله وتوسعة نطاقها والله الموفق ..



وتحياتى للجميع وان شاء الله فى انتظار تفاعلكوا ان شاء الله والبداية بأذن الله زى ماأتفقنا يوم السبت ان شاء الله 6 / 3 ....
وربنا يجزيكوا خير اللهم امين والمسلمين وربنا يتقبل منكم ومنا والمسلمين صالح الاعمال ..


- يعنى ان شاء الله كل واحد هينشر عندة فى مدونتة بوست عن الحملة وتعريف الناس بالموضوع وكمان لو حد عاوز ينقل الصور او مضمون الحملة من عندى قولت دىة شرف لية ... ولسة بقى منتظرين تفاعل الناس وعمل جروب على الفيس بوك وكمان عمل ترجمة للحملة يالاجنبية على مدونات ناطقة باللغات دة ..

وتحياتى لحضرتك

محمد عبدالرحمن شحاته يقول...

حمدا لله على عودتك
تقبل مروري

أحــوال الهـوي يقول...

وحشتني


لاني كنت غايب فترة ثم رجعت اعتقد اني قد قصرت بالسؤال عنك

لا اجد مبررر و لكنني اكن لك كل الحب و الاحترام

ارجو ان تسامح غفلتي عن السؤال

تحياتي